GOS LEA SÁMI DÁIDDAMUSEA?
Dihtetgo ahte ii gávdno Sámi Dáiddamusea?
Muhto ahte Sámedikki sisaoastinlávdegoddi lea oasttán sámi dáiddáriin badjel 1300 dáidagiid? Dáidagat vurkojuvvojit ovtta 50 kvadratmehter vuorkkás Kárášjogas.
Mii dárbbašat Sámi Dáiddamusea dál!
Sámi Dáiddačehpiid Searvi lea logenear jagiid bargan duohtandahkat Sámi Dáiddamusea. Dál lea proseassa ođđasit álggahuvvon ja SDS:as lea stuorra doaivva sámi dáidaga bealis!
Kulturdepartemeanta lea dál, sin mandáhta bokte Sámedikkis, mearridan ahte Sámi Dáiddamusea galgá huksejuvvot Kárášjohkii, Sámiid Vuorká-Dávviriid ođđa visttiin giddalaga.
Váikke SDS lea positiivvalaš dán ášši ovdáneapmái, de oaidnit maiddái hástalusaid dan oktavuođas, ja čujuhatge min jahkedieđáhusa cealkámuššii.
JAHKEČOAHKKINCEALKÁMUŠ SÁMI DÁIDDAČEHPIID SEARVI
Helssegis 15.04.2023
Sámi Dáiddačehpiid Searvvi jahkečoahkkin 2023 dáhttu johtilabbot čađahit proseassa Sámi Dáiddamusea ektui.
doamihit proseassa nu ahte Sámi Dáiddamusea šaddá duohtavuohtan mii sáhttá
váldit vara sámi dáidaga mat dál leat magasiidnan.
Sámi Dáiddačehpiid Searvvis leat dáidagat boahttevaš Sámi Dáiddamuseii, ja vuordit
ahte mii maid beassat mielde ovdabargguide ja ahte midjiide bohtet dieđut ášši
ovdánanproseassas.
JAHKEČOAHKKINCEALKÁMUŠ SÁMI DÁIDDAMUSEA BIRRA
Venezia 22.04.22
Sámi Dáiddačehpiid Searvi jahkečoahkkin hástala intensiveret barggu oččodit autonomalaš
sámi dáiddamusea.
Norgga Kulturráđđi álggii 1974is oastit sámi dujiid, árbevirolaš sámi dáiddadujiid.
Áigodagas 1074-78 viiddiduvvui ortnega maid dáidagii, sámi govvadáidda.
Sámi Dáiddačehpiid Searvi bijai vuosttas geardde Sámi Dáiddamusea áššelistui 1992is. Dalle
lei jo 500 dáiddaduojit /dáidaga oston. Dat geavahuvvo ollu almmolaš ruhta sisaoastimii, ja
eambo dáidagat ánssášit ostojuvvot.
Mii čállit dál 2022 ja čoakkáldaga lea dal badjel 1500 dáidagat ja sámi dáidaga jearahuvvu
sihke smávit ja stuorit dáiddaarenain riikkaidgaskasaš. Iii gávdnu vel čájehanarena ja
gaskkusteapmi, dahje dutkama dán stuorra čoakkáldahkii. Čoakkáldagas lea menddo unnán
bargit gokčat jearaldagaid sámi dáidaga luoikkaheapmái. Dáiddačoakkáldaga lea hui dehálaš
ja das lea stuorra potensiála sihke sámi dáiddáriidda, sámi kultuvrii ja muđuid olles máilbmái.
Sámi Dáiddamusea DÁL!!!
JAHKEČOAHKKINCEALKÁMUŠ SÁMI DÁIDDAMUSEA OKTAVUOĐAS
21.04.22
Kulturdepartemeantta evttohusas Museadieđáhussii, ja dieđáhusa kapihttalii Dáidda Davvin, boahtá ovdan ahte departemeanta háliida viiddidit areálaid Sámiid Vuorká-Dávviriin (SVD) Kárášjogas, vai šaddá buoret sadji sámi dáidagii ja láhčit vejolašvuođa čájehit sámi dáiddačoakkáldaga. Mii ohcalat doahppaga Sámi Dáiddamusea geavaheami Museadieđáhus teavsttas, ja ávžžuhat Stuorradikki Bearaš- ja kulturlávdegotti čielgasit ovdanbuktit ahte lea Sámi Dáiddamusea mii háliiduvvo duohtan dahkkojuvvot.
Sámi Dáiddačehpiid Searvi doarju sierra Sámi Dáiddamusea ásahan- ja huksenbarggu oktasaš vistái SVD:ain, ja mas leat doarvái areálat, ja leat sihke sierra autonoma dáiddafágalaš stivra ja dáiddafágalaš bargit geat galget gaskkustit ja hálddašit dáidagiid dan boahttevaš Sámi Dáiddamuseas.
Sámi Dáiddačehpiid Searvi illuda doarjut konstruktiivvalaččat gelbbolašvuođain ja maiddái fierpmádagain dan viidásat proseassas.
SÁMI DÁIDDAČEHPIID SEARVI – SAMISK KUNSTNERFORBUND
Min dáiddárat: https://samidaiddar.no/samisk-kunstnerkatalog/
Čujuhus: Sámi Dáiddačehpiid Searvi, SDR, Poastaboksa 23, N-9735 Kárášjohka
Galleđančujuhus: Deanugeaidnu 8, Kárášjohka
Šleađgareive: post@samidaiddar.no
Telefonnummar: +47 78 46 70 06